Пішу Вам з yahoo на tut.by,
а ў сеціве страйкуе пошта,
не заўважаючы таго, што
Вам дасылаюць "баю-бай!"
Не я даўмеўся ўпершыню
складаць увечар калыханкі
і слаць іх удалечыню
на адрас да сваёй сяброўкі.
Вам адначасна шлю лісты
й званю па хатнім — не выходзіць,
і зноўку перайсці на "ты"
мне з Вамі нешта перашкодзіць.
Хтось адарваўся ад зямлі,
камусьці замінае праца,
Каб мне першабытны талент — уся пячора
дзівілася б на малюнкі, дзе ўсюды — Вы.
Шанцуе, нібы тапельцу: ад самага ўчора
да самага сёння глядзеў на Вас — і жывы!
I можна не чырванець — інтэрнет стрывае
наскальнае шчасце нахабнага вастрыя.
Як файна, што Вы — прыгожая і жывая!
I недзе — проста жывы — расчулены я.
Каб дадаць спасылку
на Ваш сайт, пiшыце ў
зваротную сувязь