Касмічная ноч на экране:
у паветры лунае каханне.
Міс сусвет у вячэрнім убраннi
з містэр Iкс ідзе на спатканне.
У вачах узнікае цікавасць,
так прыемна, што людзі разам.
Не турбуе адносін складанасць,
усё выдатна вячэрнім часам.
Кожны рух уздымае пытаннi,
новы погляд на звыклыя рэчы.
Усё ж нягледзячы на хваляваннe,
я накінуў пінжак ёй на плечы.
Eн, яна i цяпло кахання,
Будуюцца адносіны... малююцца карціны...
Адважныя пажарнікі, цяжарныя жанчыны.
Парывы дабратворныя ў канверце пад дзвярыма.
Бягу ўверх па лесвіцы. У лужыну ўступіла.
З Сярожам вельмі весела, з Генадзем немагчыма.
Прабач, што так заблытана, на гэта ёсць прычына.
Ну што ты хочаш зразумець, любімы мой мужчына?
Я вельмі далікатная і творчая дзяўчына.
Каштоўнае тое – что нельга ўбачыць,
Што мы адчуваем сэрцам.
Калі яно прыйдзе? Складана прадбачыць.
Усё нечакана пачнецца:
Імпульс шалёны, мурашкі па целе,
Адказы на ўсе пытанні,
Вясёлка ў небе, шпакі прыляцелі,
І сэнс твайго існавання.