Ад зары прабег прамень шырокі, косы.
Ад мянташак зазвінелі дружна косы.
А на сэрцы аднаго з касцоў вяселле —
Расплятуцца перад ім тугія косы.
Лёгка рэжа коска. Добрая направаі!
Жаўруковы спеў — налева і направа.
Гэта гукі радасці угары віселі:
Віза на любоў законную, на права.
Цёплы спеў віяланчэлі,
Струнаў ціхі перазвон...
Ласкі-пешчы загучэлі.
Вобраз твой — у акварэлі.
Перадаў мне патэфон
Цёплы спеў віяланчэлі.
Гукі ў стройнасці мякчэлі,
Віўся з альтам барытон, —
Ласкі-пешчы загучэлі.
Мае вочы заблішчэлі,
Як пачуў я дзіўны звон,
Цёплы спеў віяланчэлі.
А ў душы маёй ярчэлі
I валошка, і рамон.
Ласкі-пешчы загучэлі.
Я гляджу на мiлую маю
I чульлiва край мой пазнаю;
У цябе бялявая каса,
А я ў думках кузаль расчасаў.
Мне здаецца, у вачах тваiх -
Сiнi цьвет валошчак палявых.
Ты ўзбудзiла песьняй мой пакой.
Дзе ж мая цьвярозасьць i спакой?
Я хмялею ўцешна бязь вiна,
Цi ня ў гэтым ёсьць твая вiна?
Я укленчыў... Я з табой пяю.
Бацькаўшчыну ў мiлай пазнаю.
Каб дадаць спасылку
на Ваш сайт, пiшыце ў
зваротную сувязь