Распуствам называючы ганебным
Эротыку і ўсе спляценні з ёй,
Чамусьці кожны лічыць акт патрэбным –
Жыццёвай неабходнасцю сваёй.
О, супярэчнасці сляпыя ў чалавеку…
Хоць раз пазбаўце пошласці яго
І разнявольце ад сумленных здзекаў,
Ад кпінаў, плётак і крутых рагоў.
Пляткаркі хай усе знямеюць разам,—
А ты, раўнівец, раптам стань глухім,–
Нібы на свет народзішся адразу
Для Эраса і ўсіх спляценняў з ім.
Адчуеш, што не адчуваць ганебна
Цудоўны міг салодкага зліцця,
Той яркі міг, як гімн адзін хвалебны
Пачатку, сэнсу і ўсяго жыцця!