С.М.
Баюся тэлефанаваць,
Каб толькі не патурбаваць
Тваю вялікасць.
Якія словы мне сказаць,
З чаго гаворку завязаць –
Цябе паклікаць?
Каб ты ўсё-такі пачуў,
Як я жадаю, як хачу
К табе прывыкнуць.
Не дай адзінаму ў жыцці
Каханню побач праплысці
І раптам знікнуць.
Баюся тэлефанаваць,
Хаця і буду шкадаваць –
Гатова сціхнуць
Навекі.
Каб не турбаваць,
Каб незнарок не зазлаваць
Тваю вялікасць.