Я плыву да цябе, адзіная...

Яшчэ не ацэнена
Я плыву да цябе,
                             адзіная,
Як па нотах
                    плыве мелодыя.
Я плыву
              па азёрнай сіні
Той запозненай лодкаю.
Ты чакай мяне,
                           чуеш, адзіная?
Непадкупная
                      ў свеце трывожным...
Дзесьці
             крышаць абвалы ільдзіны...
Кожны
            з рызыкай стрэцца можа...
Дзесьці дрэмлюць
                               ракеты у шахтах,
На падлодках
                        і самалётах...
Зноў
         варожа даносіцца «Ахтунг!»
У слухаўках пілотаў.
На Зямлі
                назапашана зброі
Для забойства
                        жыцця і кахання...
...Толькі
               зноў на зары растануць
У бярозавых промнях
                                     двое.