ТЫ МАЯ КУПАЛІНКА...
Ты мая Купалінка,
А я твой Купаліш.
Мы касцёр кахання
Год каторы палім.
Што жадаць нам болей?
Нашы сны збыліся:
Нашы лёс і доля,
Як вянкі спляліся,
На жыццёвай плыні,
Як вянкі, сплыліся.
І купальскай песняй –
Сэрцы заліліся.
А дажджоў нямала
Нам дагэтуль – золкіх.
Быццам з неба ўпала
Кветка шчасця
зоркай!
Мы адзін другога
У вачах купаем...
Я твая Купалінка,
А ты мой Купаліш.